Total Tayangan Halaman

Minggu, 15 Mei 2011

Johannes 16 : 6 – 20

Patujolo:
Tung dokdok panghilaan ni Jesus tarlumobi marningot angka sisean di nalaho marsirang-Na ma nasida sian pardagingon. Tujoloan ni ari marsada sada nama nasida marhamaolhon Barita nauli I – so mardongan. Diboto Jesus do hamaolan, parungkilon dohot angka parmaraan na tung mansai borat siadopan nasida – pola olo agoan hosa. Tung mansai dokdok situtu do roha ni Jesus, perasaan ikut ber-empati jala simpati. Alani I ma dibagasan ponjot ni roha do di pabotohon nanaeng tinggalhonon-Na nasida. Dipanghilalahon Jesus do tongtong nang dokdok ni roha ni angka sisean I; busisason paimahon tingki parsirangan i. diboto Jesus do naso barani nasida manungkun, ai boi dapot roha marhite haboborhat-Na I gabe tahutan nasida (kehilangan perasaan aman), sai hira holan naeng mandapothon hasusaan nama tu joloan ni ari.
Hatorangan:
Pandohan Ulimuna do i,.” ringkot rohahononta. Pandohanon do tongtong na nihatahon ni si Kayafas dengganan do mate sada halak humongkop natorop i, unang laho mago sandok bangso i.(11:50), jala pangalaho on do najotjot maol diantusi jolma; ala dipangke Debata do ulaon/ pambahen ni jolma laho patulushon sangkap Na. Di dok roha ni si Kayafas, marguna do mamparsilangkon Jesus. Toho do I marguna, alai cara dohot alasan na so dapot hapingkiran. Sahalak malim namarmusu, jahat, cemburu / iri hati sian naso binotona bekerja sama dohot sangkap ni Debata: “Ai manjadi pujipujianmu do rimas ni angka jolma, dihohoshon Ho do ebaeba ni angka rimas i. (Pslm. 76:11)
Halalao ni Jesus sai hira hasusaan bolon (bencana) do I di angka sisean i. Alai sasintongna pangomoan do I di nasida.
Ayat 7-11:
Tung ulaon na dokdok do ulaon nanaeng siuduton ni angka sisean I laho pasdalanhon tona dohot parsuruon ni Tuhan Jesus, pola di dok ingkon nabuhuk silang-Na. Ai barita nanaeng si sipararaton ni nasida mengandung resiko tinggi, tung ringkot adong mandongani jala mangurupi. Asa haboborhat ni Tuhan jesus I tung mansai ringkot; parohon “pangapul” namangalehon gogo, semangat, mangondihon nasida jala patoguhon hasintongan nanaeng sipatolhason i. Pangondian on do naumbalga ulaonna (ay. 9-11), jala ibana do nagabe saksi ni sudena I.
Ayat 12-15:
“Pangondian” na ni dok na I gabe sitindangi (saksi), pembela, sipatudu dalan. Jaminan on dilehon tu sude siihuthon Kristus. Tung tangkas do diboto Jesus hasusaan nanaeng jaloon ni ihuthon ibana, dilehon do pangapulion dohot bagabaga tu nasida (ay. 20-22).
Asa, tung pe sai hira na monang angka musu ni Debata, mambahen holom saluhut jala boi mangarajai, alai di ujungna sudena I parohon/ manghorhon hasangapon di Debata; ala tiur do muse tarida parbuena manang dia pe nabinahen ni hajahaton I, ai ndang tartaluhon nasida Debata.
Sipahusorhusoron:
Halalao ni Tuhan Jesus Kristus gabe habot ni roha do I di angka apostel. Alai molo boi diantusi jala tarjalo nasida I, sasintongna gabe las ni roha do I. Songon I ma rajumanta molo “dibuat” sian hita sada las ni roha asa lehononna dope di hita pasupasu (las ni roha naumbalga). Naeng songon on ma rajuman angka sitaonon/ hasusaan na ro tu parngoluonta; molo dijalo dibagasan haserepon, dohot manghabengethon. Molo masa angka sitaonon tu ngolunta so sian panagaman, jala naso nialap jea, ingkon tongtong parhatopotonta; diloas Debata do I masa namanghorhon tu nadenggan muse tu hita, songon pandok ni ap. Paulus “Alai taboto do, saluhutna do manumpak tu na denggan di angka na marholong ni roha di Debata.” (Rom. 8:28) .
Alani I, molo tarajumi naung anak ni Tuhan I hita jala taboto do godang halak na mansangkapi na roa tu hita; unang pola mabiar hita disi. Tongtong ma taulahon nadenggan jala na dumenggan (nasintong) I, molo tung pe sai hira namonang hajahaton I tahaporseai ma namarguna do I muse tu hita jala manghorhon hadengganon jala manghorhon hamuliaon di Debata.
Di zaman modern on, godang do hamajuan na gabe silas ni roha, alai godang muse na mambahen lungun ni roha. Di nuaeng on, jolma nunga holan mangasanghon gogona, hajolmaonna dohot hamoderenon. Nunga hurang be haporseaon ni jolma i tu Debata na mangolu, na sai tongtong gabe pangurupi di ibana. Jolma si songoni, somalnna pasti do manghilala ngolu on tung mansai borat, jala olo do prustrasi. Memang toho, molo hita holing mangasanghon gogonta sambing, tontu ndang tolap hita mangadopi ngolu nuaeng on na tung mansai borat. Alai di hita halak Kristen, unang ma nian songoni, tabungka ma rohanta tu Tondi Porbadia, asa mangula Tondi di bagasan ngolunta, Tondi Porbadia naung dijanjihon Jesus Kristus tu hita. Unang hita holan mangasanghon gogonta sambing, alai tabungka rohanta asa mangula Tondi Porbadia di hita. Tondi Probadia do na gabe mangogoihon hita laho mangadopi ngolu on, jala namambahen hita boi marnida pasu-pasu dohot pangurupion ni Debata na sai tongtong mandongani hita. Tondi i muse do na mambahen hita boi barani menghatindanghon haporseaonta. Olo do hita mambungka rohanta tu Tondi Porbadia? ] � t @h ��h na manogunogu jala mangaramoti birubiruNa.
Ayat 17-22 manggambarhon uhuman tu angka birubiru namarpangalahohon naso denggan tu angka birubiru naasing. Birubiru na jahat I gombaran ni angka keluarga kerajaan, pembesar nang angka malim namarlomolomo tu masyarakat. Ala marpardomuan do I tu panguhuman, hata “siaphononku” ditujuhon tu angka nasida namangulahon hajahaton I ( ida pandohan ‘na mokmok i dohot na gogo I’) ima angka keluarga kerajaan nang angka pembesar istana dohot angka sintua ni malim na di bagas joro.

Panimpuli
Molo tapatomutomu turpuk jamita on dohot epistel tung mansai domu do. Marhaporsuhon do huria naparjolo I diparsiaksiak angka namarhagogoon di harajaon Rom pola godang na ingkon agoan hosa. Dipatogu jala diparmahani do nasida na dibagasan haporsuhon godang I asa tongtong marhabengeton
… ai dohot do Kristus manaon na porsuk humongkop hamu, tumadingkon tiruan di hamu, asa diihuthon hamu bogas ni patna (1 Pet 2:21)ndang tagamon loasonna partigor i humasusa ro di salelenglelengna.” (Psalm 55:23). Laos sunggulsunggul jala sipaingot do on nang tu hita “namargogo” asa unang marlomolomo maradaphon angka jolma na asing, jala asa taulahon ulaon haparmahanion I denggandenggan dibagasan biar maradophon Debata – unang songon na pinaksa, sian las ni roha ma mangihuthon Debata; unang ala ni pangomoan hailaon, sian ringkot ni roha ma! (1 Pet. 5:2)
Sada pangalaho na tung dihagigihon Jahowa dipambahen ni birubiru I ima roha naso marpanarihon dohot elat ni roha: “Maotikku dope huroha di rohamu naung jinampalmuna i jampalan na lomak i, dohot do ebaeba ni jampalanmuna i, ingkon popoanmuna marhitehite patmuna, jala aek na tio diinum hamu, alai anggo ebaebana i dilitohi hamu do marhitehite patmuna.” (Apakah belum cukup bagimu bahwa kamu menghabiskan padang rumput yang terbaik? Mesti pulakah kamu injak-injak padang rumput yang lain-lain dengan kakimu? Belum cukup bahwa kamu minum air yang jernih? Mesti pulakah yang tinggal itu kamu keruhkan dengan kakimu?). Hasogiron do pangalaho sisongon di Debata; “Ida ma, ahu ma manguhum di holangholang ni birubiru … ” Di dok Jesus Parmahan Bolon nasintong I (Joh. 10:11, 14) di parumpamaan “ Situtu do na hudok on tu hamu; Nasa na binahenmuna tu sada sian anggingku angka na metmet on, na tu Ahu do i dibahen hamu!” (Mat.25:40).

Tidak ada komentar:

Posting Komentar